બા એકલાં જીવે, બા સાવ એકલાં જીવે ! એકલતાનાં વર્ષો એને ટીપે ટીપે પીવે, બા સાવ એકલાં જીવે ! બાના ઘરમાં વેકેશન જ્યાં માળો બાંધી રહેતું, રસગુલ્લાની ચાસણી જેવું વ્હાલ નીતરતુ વહેતું, દોડાદોડી પકડા પકડી સહુ પકડાઇ જાતાં ભાઇ-ભગિની ભેળાં બેસી સુખનો હીંચકો ખાતાં સુખડીમાં ઘી રેડી રેડી બા સહુને ખવડાવે ઊડવાનુ બળ આપી પાછી ઊડવાનું શિખડાવે સુખનો સૂરજ છનોમાનો જલતો બાના દીવે.
-હવે બા સાવ એકલાં જીવે !
-મુકેશ જોષી
No comments:
Post a Comment