વેદવાણી, લોકવાણી, અમરતવાણી, સ્વાસ્થ્યવાણી, શાણપણવાણી, શિક્ષણવાણી, અવળવાણી ,જીવનવાણી દેવવાણી, સંત કબીરના દોહા, બાળવાર્તા અને ઘણુ બધું
<ul>
<li>તવંગર લોકો ગરીબો કરતાં એક જ સગવડ વધુ ભોગવતા હોય છે અને તે છે બીજાઓને સુખી કરવાની! પણ તેઓ ભાગ્યે જ તે સગવડનો ઉપયોગ કરતા હોય છે !
<li>પોતે જાણે છે એવું જે નથી જાણતો તે ઉત્તમ. પોતે અજ્ઞાની હોવા છતાં પોતાને પંડિત માનનાર રોગિષ્ઠ.
<li>જેને દુનિયા ઇયળનો અંત કહે છે, તેને કવિ પતંગિયાની શરૂઆત કહે છે !
</ul>
આ યુગનાં સાત પાપ ઃ
૧. કાર્ય વગરની કમાણી
૨. વિવેક વગરનું સુખ
૩. ચારિત્ર્ય વગરનું શિક્ષણ
૪. નીતિ વગરનો વ્યાપાર
૫. માનવતા વગરનું વિજ્ઞાન
૬. ત્યાગ વગરનો ધર્મ
૭. મૂલ્યો વગરનું રાજકારણ
- ગાંધીજી
* માનવીના પગ એટલા લાંબા હોવા જોઇએ કે તે ધરતીને સ્પર્શે અને હાથ એટલા લાંબા હોવા જોઇએ કે તે ગગનને સ્પર્શે.
* જે હિંમશ સ્મિત આપી શકે છે, તે ગરીબ નથી.
* જે ગમે છે તે મળે, તેનું નામ સુખ છે અને જે મળે છે તેને ગમતું કરીએ તેનું નામ આનંદ છે.
* નિર્ણયશ્ક્તિ અનુભવમાંથી આવે છે
અને અનુભવો ખોટા નિર્ણયોમાંથી મળે છે !
* પ્રારબ્ધનું તાળું પુરૂષાર્થની ચાવી દ્વારા જ ખોલી શકાય છે.
* હોડી લઇને કિનારે બેસી રહેવાથી નદીની સામે પાર જવાતું નથી.
* ડાહ્યો માણસ એના દુશ્મનો પાસેથી શીખી લે છે, એટલું મૂર્ખ માણસ તેના મિત્રો પાસેથી શીખતો નથી.
* પુષ્પોની ચોકી થાય, સુગંધની નહી.
* મુક્તિમાં વિહરતો માણસ પોતાની બધી શક્તિ માનવસવામાં જોડી દે તો પણ તેનું સંતુલન ખોરવાતું નથી, કારણ કે તે સંપૂર્ણપણે સ્વસ્થ હોય છે.
* દુનિયાની મોટી કરુણતા એ છે કે મૂર્ખાઓનો આત્મવિશ્વાસ ક્યારેય ડગતો નથી, અને બુદ્ધિશાળીઓને પોતાની શંકાઓમાંથી ક્યારેય ફુરસદ મળતી નથી !
* સમજણ જેમ વધારે, તેમ શબ્દો ઓછ!.
* કોઇપણ ટેવને જો રોકવામાં નહી આવે તો જરૂરિયાત બની જશે.
* જીવનની મીઠાસને માણવા માટે તમારી પાસે ભૂતકાળને ભૂલવાની શક્તિ જોઇએ.
* કોઇ મહાન સિદ્ધિ મેળવવા માટે હું તલસું છું, પણ મારી પહેલી ફરજ તો એ છે કે નાનાં કામ પણ એવી રીતેં કરું કે જાણે એજ મહાન હોય !
* વિશ્વાસ એવું પાણી છે કે જે પ્રભાતના પહેલા અંધકારમાં પ્રકાશનો અનુભવ કરાવે છે.
* વેર લેવાનો નવો રસ્તો કહું,
શત્રુ ઉપર એક બેજો ઉપકાર કર !